«Говорить Пряшів» – на конец липця – пятниця, 20.00 год.

Йой, як скоро тот місяц минул… Не так давно ся зачал, а уж днес выслухаме посліднього в липци/юлию поучытельного проґраму «Говорить Пряшів». Лем не думайте, же то остатній проґрам взагалі. Ні, бо в Пряшові сут добры люде, робітны, та знают, же мусят порядні робити. Коли зачынают та не кінчат. Тото «не кінчат» в позитивным значыню. Значыт, же нашому русиньскому проґрамови не буде кінця, а не што хтоси штоси зачал, а не скінчыл, бо такого то лем поза уха толчы.

Ноле то лем прочытайте, што Вас днес стрітит. В днешніх Нашых Целебритах буде про Архімандрита Владиміра (Іполитa Терлецкого), церковно-общественного діяча та публицисту. Дальше в Книжници радия Русин.фм почуєте стихы Івана Ситара, писменника з Підкарпатской Руси.

Приносиме актуалны інформації з русиньского середовиска і нелем з нього. З нашыма справами будете все актуално інформованы о найважнішых подіях і з Културным калеідоскопом вам не втече жадна културно-сполоченьска акція у вашім реґіоні.