«Говорить Пряшів» – другій тыжден марця – середа, 20.00 год.

Говорит? А чом не гварит? А може бесідує – радит? Задумували сте ся даколи, чом в Пряшові говорят? Ні? – То добрі, бо мы тіж. Адже, богатство нашого языка проявлят ся во всякых просторах. Мож почати од бандурок по комперикы, а кінчучы на бесідуваню, ґаданю і гваріню. Но, але то не вшытко. Тоты з Пряшова не лем проповідают тото, што цінне подля іх локальной культуры, але не забывают і о дальшых частях Карпатской Руси. Люблят сой часто поспоминати на Лемковину ци Підкарпатску Русь. І оне то тіж богатство. Вшыткых Русинів. 

Но, ідучы дальше, требало бы ся однести до того, што лемківскє. Але ним ґу тому перейдеме, однесме ся до до того, што буде пряшівскє в днешнім премєровым одтинку поучытельного, культурного проґраму «Говорить Пряшів» (про декотрых може быти і «Бесідує Пряшів»).  Отже, целебритів не лем має західній зґльобалізуваний світ, але і мы. В нашых целебритах буде про о. Василя Бобака – праволсавного священника зо села Смольник, котрий знал зъєднати люди, же православну церков в селі поставили праволсавны довєдна з римокатоликами і евангеликами.

Як іде про Лемковину, то хыбаль пришол уж час на тото, жебы зачати шырше припоминати про лемківску геєнну – 70. річницю ганебной операциі выгнаня Лемків. І хоц центральны обходы річниці злочыну Лемкы рыхтуют на конец квітня/апріля т.р., то в Книжници Русин.фм – Ігор Латта уж тепер прекрасно чытат выімок з тексту Маестра Лемковины Ярослава Трохановского під наголовком «Акция Вісла». Вартат прочытати і ціліст. 

За рамівком Русин.фм чытаме: Приносиме актуалны інформації з русиньского середовиска і нелем з нього. З нашыма справами будете все актуално інформованы о найважнішых подіях і з Културным калеідоскопом вам не втече жадна културно-сполоченьска акція у вашім реґіоні.