«Говорить Пряшів» – другій тыжден грудня/децембра – середа, 20.00 год.

Но і зачал ся. Бесіда про послідній місяц 2016 рока – груден/децембер. Такой зачал ся іщы в тамтым тыжни, але початок того тыжня грудня/децембра для Русинів з Лемковины был зас вынятковым. То очывидно за справом нашого Нацийонального Свята – Дня Русина на Лемковині. Не был бы 5. грудня/децембра святочным дньом для нашых родаків, кєд бы не Народне Віче з Фльоринкы, котре завязало Начальну Раду Лемківской Руси, будучой початком до Руской Народной Республикы Лемків. І гев являт ся проблем, котрий проблемом є сам в собі – не з нашой лемківской волі. Отже, Ден Русина з ріжных причын винен быти окрисляний як Ден Русина в Польщы, хоц природне ґу нам, же односиме ся до Лемковины, з котрой насильно нас выгнали. В Польщы нас много, на жаль більше як на рідній земли.

Запрашаючы нашых вірных слухачів на премєру днешнього «Говорить Пряшів» в ЛЕМ.фм, требало бы підкрислити, же хоц Русины другых держав вызначыли си інчы дни на празднуваня Дня Русина, то такой Русины цілого світа повинны быти вєдно в каждий ден з тых дат, ачий тримати силу каждий час. Таком общерусиньском плятформом, котра єднат Русинів ріжных держав, сут панрусиньскы медиі ЛЕМ.фм. То зато в нас чытате ріжны стандарды русиньского языка, то тіж зато в нашым лемківскым радию чути мож проґрамы з Пряшівской ци Підкарпатской Руси, а тіж з Войводины. «Говорить Пряшів» то досправды доказ на єдніст і нерозлучніст Русинів. Він бо дає Вам облюблены історичны, літературны і культуральны інформациі.

А в днешнім проґрамі заохачаме звернути увачу на тото, што оповіст нам Теодозия Латтова в циклю Нашы Целебриты. Буде про професора Димитрия Хому з Хмельовой – специялисту од рільничой (польовой) економікы. Мало хто з нашых ґаздів знат, же нашы целебриты про сельску роботу робили і на великах університетах. Запрашаме слухати. Пряшівскым ухом і духом. 🙂

Приносиме актуалны інформації з русиньского середовиска і нелем з нього. З нашыма справами будете все актуално інформованы о найважнішых подіях і з Културным калеідоскопом вам не втече жадна културно-сполоченьска акція у вашім реґіоні.