Ґладышів – найстаршы подіі. Прелекция Даміана Новака

Заран, т.є. в неділю 13. марця 2016 р., в сельскій світлици в Ґладышові на Лемковині буде выголошена прелекция Даміана Новака пн. Ґладышів – найстаршы подіі. Початок о 14.00 год.

В прелекциі буде бесіда про найстаршы знаны подіі і записы, тыкаючы Ґладышова, од його локациі до часу Поділу Річпосполитой в 1772 році. Приведены будут м.ін. записы, споминяючы збійників, якы рядили в тым часі на описуваній обшыри.

Даміан Новак – дослідник і культурознавця, докторант в Інституті Істориі Ряшівского Університету, працівник Нацийонального Інституту Дідицтва. Занимат ся історийом галицкой архітектуры (світской і сакральной), ґенеалоґійом, історычном демоґрафійом і конфесийныма одношынями в Галичыні і на Подоли. Автор парудесятьох дописів, репортажів та книжковых выдань моноґрафічных зарисів місцевости Галичыны і Подоля.