Ґеорґ Фрідріх Гендель, «З повагом», просит Павел Малецкій – неділя, 20.00 год.

Ґеорґ Фрідріх Гендель вродил ся в 1685 році. Хоц уж в барз молодым віку вказувал великій талант до музикы, його отец заплянувал для него карєру юристы і заказал му грати на інструментах. Мологый Ґеорґ вчыл ся в таємници. Отец вкінци устипил.

Початком ХVIII ст. нанял ся як гушляр, пак клявесиниста, в опері в Гамбурґу. Выставліня в 1705 р. оперы «Альміра» вказало ся великым успіхом, што дозволило му выіхати до Італиі, жебы школити ся в штуці компонуваня. По шестьох роках переіхал до Лондону, з котрым звязал ся на долше. Скоро здобыл узнаня як найбільшый нацийональный анґлицкій композитор, што принесло му становиско офіцияльного композитора анґлицкого двору. Был дириґентом на Королівскій Академіі Музикы, пак основал свою оперову сцену Академія Музикы. По осмох роках опера збанкрутувала, Гендель захворіл на ревматизм. Оратория «Месия» і дальшы композициі привернули його славу і богатство.

В 1752 р. Ґ. Ф. Гендель зачал тратити смысель зріня, перестал компонувати, хоц дальше дириґувал, концертувал і перераблял давны творы. Вмер в 1759 р.

В проґрамі почуєте перше пару найбарже знаных композиций Генделя, буде суіта «Музика на воді», выбраны творы з ораториі «Месия» ци «Музика для Королівскых Фаєрверків» та пару композиций од інчых клясиків.