Ґеолоґічны варштаты в Рускій Бурсі

Стоваришыня «Руска Бурса» в Ґорлицях запрашат взяти участ в ґеолоґічных варштатах. Буде то серия трьох стріч, протягом якых буде мож познати ґеолоґічну історию Карпат, особливо Лемковины. Стрічы пройдут 12. грудня/децембра 2018 р., 16. січня/януара 2019 р. та 6. лютого/фебруара 2019 р.

В рамках варштатів заплянувано короткы тематичны доповіди та практичны задачы, што допоможут розпознати скалы та представлят основны дослідничы методы в ґеолоґіі. Варштаты будут ведены Якубом Зиґмунтом i запрошенымa ґеолоґами з Ягайлоньского Університету і Науково-Технічного Університету в Кракові.

Вступне дармо. Деталі проґраму варштатів мож найти на плякатах ниже або на фейсбуковій страні подіі.