Ґенеалоґічна конференція Русинів в США

1. новембра 2014 р. одбуде ся Друга вырочна русиньска ґенеалоґічна конференція під назвов „Із выходной Европы до Америцькых угльовых реґіонів“ (From Eastern Europe to America’s Coal Regions).

Конференція є орґанізована Карпаторусиньскым обществом (Carpatho-Rusyn Society) і одбуде ся в просторах King College Campus Center у Вілкес-Баре в штаті Пенсілванія. На конференції выступить Джім Кепчар Каміньскый – презідент Карпаторусиньского общества, Том Петер – ґенеалоґ, Річ Кастер – історік, Др. Петер Ясенчак – директор общества Historical Society of Schuylkill County і Джері Джумба – фаховець на карпаторусиньску музику, танець і културу.

Конференція участным хоче приближыти жывот предків америцькых Русинів в Европі, їх пробы і неуспіхы, котры їх чекали, як пришли до Америкы, до реґіонів, в котрых ся здобывало угля.

Детайлны інформації о конференції можете найти на інтернетовім сайті Карпаторусиньского общества www.c-rs.org.