Галичына по Галичыні

Медженародовий Центр Культуры в Кракові просит на дводньову конференцию Галичына по Галичыні, яка є фіналом дослідничого проєкту Міт Галичыны і выставы під тым самым наголовком (о котрій писали сме за тым мотузком). Конференция одбуде в днях 5.-6. марця т.р. в садибі МЦК в Кракові (Рынок 25).

Запрошены експерты – австрийскы, польскы, украіньскы і американьскы, будудт дискутувати о негаснучым феномені Галичыны та о єй вельовыміровости і сучасній символиці в однесіню до Польщы, Австриі, а головні Украіны.

Присутны будут м.ін. Еміль Брікс, Анджей Хвальба, Кжыштоф Чыжевскі, Тамара Гундорова, Павел Коваль, Юрій Прохасько, Ярослав Грицак та вельо інчых.

Підниманы темы то:
– Галичына як лаборатория міту
– Галичына – польскій Пємонт?
– Галичына а Украіна в Европі – народины державного / громадяньского соспільства
– Галичына як перифериі
– Галичына матір Ізраiля?
– Галичына по Галичыні

Конференция єст отворена для вшыткых, вступне дармо. Прелекциі выголошуваны будут в польскым та англицкым языках.