Фольклорний ансамбль «Рутенія» глядат новых членів

Можете іщы встигнути на другу рекрутацию до русиньского ансамблю пісні і танця «Рутенія». Перша наборова стріча одбыла ся 30. вересня (септембра) т.р., але кєд не мали сте змогы прити товды, то 14. жолтня (октобра) т.р, од 18.00 год. одбуде ся друга стріча.

Aнсамбль глядат танцуристів, співаків і гудаків. Набір є направлений на вшыктых, котрым близка єст русиньска культура, а котры неконечні мусят мати досвідчыня, звязане з народным танцьом, або співом.

Охочы прошены сут принести зо собом тренінґове обутя та выгідне облечыня. Співакы і музыканты прошены сут о зрыхтуваня двох народных співанок.

Дрібниці і контакт до орґанізаторів долов на залученым афішы.

ФС «Рутенія» є офіцияльным репрезентацийным ансамбльом орґанізациі Молоды.Русины. Был оснований кінцьом 2010 р., вчас 6. Русиньской забавы в Братиславі. «Рутенія» спілпрацує з вельома народныма музыкантами і екстерныма педаґоґами. Мат властны русиньскы кроі та фунґує в своіх просторах в Братиславі. ФС «Рутенія» то фольклорна ґрупа, котрой члены приняли за головну ціль презентувати культуру і фольклор Русинів по світі. В своім проґрамі вказуют народну  традицию з цілой обшыри русиньского реґіону.

Ведучым ансамблю є Петро Штефаняк, шефредактор радия русин.фм

Долов, ансамбль в части свого репертуару.