Фестіваль Культуры і Спорту в Меджелабірцях

На вікенд 24.-26. черця/юнія т.р., буде проходил на Пряшівскій Руси в місті Меджелабірці 54. річник Фестівалю Культуры і Спорту. Головным орґанізатором подіі є місто Меджелабірці, а спілорґанізатором – Русиньска Оброда на Словациі.

Подібні як в попередніх роках, традицийно фестіваль буде складал ся з двох части: спортовой та концертовой. Спортова част пройде в суботу і неділю, товды же одбудут ся м.ін. футбольовы змаганя подля ріжных віковых катеґорий. В концертовій части на сцені вкаже ся гідні солистів, фольклорных ґруп, колективів і не бракне модерной музыкы.

Концерты зачнут ся уж в пятницю, а в рамках фестівалю буде мож взріти такых артистів як Тріо Маґуровых, Владислава Сивого, ци Ігоря Куцера враз з Emotion Group, в вечерным концерті з піснями мамы Енді Варголя. В суботу од 15.00 год. буде проходила дальша част сценічных выступів і, окрем вельох дітячых ансамблів, на сцені вкажут ся Фатьовы з Підкарпатской Руси (недавно гостили на ІХ Медженародным Біеєнале Лемківской/Русиньской Культуры в Креници), ци Русиньксы Голосы під ведіньом Кристияна Гуняры. Пак, буде мож чути і выступліня такых артистів як Коляровці, ци Мариян Чековскій. В недільну концертову част на сцені в Меджелабірцях вкажут ся м.ін. ФА Стропковчан, Русинія і Крістіна.

Подія є реалізувана в рамках підпоры Уряду Влады Словацкой Республикы – проґрам Культура нацийональных меншын 2016, а і з дальшом підпором другых підметів. Більше інформаций – долов на залученым афішы.

фот. горі: вид на Меджелабірці; джерело: Вікіпедія