Фестіваль Культур Погранича «Карпатскы Климаты» в Коросні – уж в найблизший вікенд

На Старым Рынку в Коросні в найблизший вікенд буде проходил Фестіваль Культур Погранича «Карпатскы Климаты». То подія, в рамках котрой находиме вельо вымірів культуры і штукы, а зрыхтуваний орґанізаторами проґрам обнимат выступы і презентациі ріжнорідных артистів, творців і музыків та товаришучы акциі і атракциі.

Обшырна оферта орґанізаторів «Карпатскых Климатів» то:

• місце для діти на специяльні для них приготовленых рукодільных варштатах,
• фестіваль мадярскых вин,
• шторічний конкурс на традицийну наливку,
• пленерова ескопзиция выробів зо шкла враз з варштатами,
• Свято Хліба – показы і конкурс печыня найсмачнійшого хліба,
• ярмак рукодільных выробів, артистычного ремесла і реґіонального ідла,
• фотоґрафічний пленер і выстава,
• змаганя в літаню,
• науковы втклады.

Окрем того, краківскій Театр Ваґабунда вкаже уличний спектакль Скоморох і запросит до Мануфактуры Свічок, де вкаже традицийны техніку робліня свічок, а в Старій Винярни вкаже не презентуваний іщы авторскій проєкт, вміщений в сцебоґрафію зроблену зо старых дубовых бочок.

Обшырном частю Фестівалю Культур Погранича «Карпатскы Климаты» сут музычны концерты. Того рока выступлят артисты, котры мают в своім репертуарі русиньскы пісні: шыроко знаны протоплясты фолькового граня Оркєстра св, Миколая з Люблина і ансамбль Худоба з Вроцлавя.

Більше інформаций найдете на сайті орґанізаторів – за тым мотузком.

https://youtu.be/_XZLogmNuW4