Фестіваль ЕТНОманія – одкрый традицию наново!

Більше як 150 експонентів ремесла, еко- і фолькдізайну, 40 варштатів, при тым показ моды, пространны етноінсталяциі, зона для діти, етносмакы, концерты і вельо інчых фольковых атракций – уж 19. липця вшытко оне стрітите на Фестівали ЕТНОманія. Подія, котра уж пятий раз орґанізувана єст Фундацийом НАДвыраз, буде проходила в просторах Надвисляньского ЕТНОґрафічного Парку в Выґєлзлові (40 км од Кракова).

Вшыткы атракциі поділены на ПЯТ ТЕМАТЫЧНЫХ ЗОН: Ремесла, Еко- і Фолькдізайну, Музыкы, Діти, Смаку і реляксу.

В рамках фестівалю можете:

• взяти участ в варштатах ремесла, веденых творцями Пути Ремесла Малопольщы (www.SzlakRzemiosla.pl), такых як – гончарство, коронкарство, малюваня на шклі, різба, рукотворы з бібулковых серветок, ковальство, народны чачка, вырізуванкы, вырабляня лжыц, лемківскы прикраскы;
• перетворити традицию вчас варштатів еко- i фолькдізайну, м.ін. фільцуваня на мокро, шытя плюшовых чачок, екокосметикы, етнооблечыня, екодізайн, прикраскы з ревиклінґу, мішкы на зіля;
• почути концерт ансамблю Толгаі (Tołhaje) о 18.00 год. та навчыти ся народных танців i помузыкувати з Капельом на Кривых Звуках (Kapela na Krzywych Dźwiękach) о 16.00 год.;
• видіти найновшы, інспіруваны фольком, колекциі моды, в обшыри casual і elegant (15.00 год.);
• купити ориґінальны рукотворы – м.ін. прикраскы, облечыня, чачка, інтерєрны предметы, торбы і торбочкы;
• вкусити реґіональны стравы і тзв. slow food та взяти участ в кулінарных варштатах ліпліня перогів, печыня хліба, або робліня етнобурґерів;
• спілтворити величезну коронкову ЕТНОінсталяцию;
• послати діти до специяльні зрыхтуваной вчас фестівалю Зоны для Діти, де Вашы отрочата возмут участ в еколоґічно-едукацийных грах і забавах;
• взяти участ в ЕТНОпікніку і оддыхнете в просторі хыжы;
• взяти участ в вельох конкурсах з нагородами;
• видіти, як мож ся вчыти, бавити і інспірувати традицийом. Одкрыєте єй наново!

Проєкт реалізуваний єст з підпором Міністерства Спорту і Туристыкы та Малопольского Воєвідства.

Долов – Анна Добровольска при робліню крвулькы.

Фестіваль ЕТНОманія одбуде ся 19. липця 2015 р. од 11.00 до 19.00 год. в скансені в Выґєлзлові (ul. Podzamcze 1, 32-551 Wygiełzów).

Вступне – в рамках фестівалю вшытко єст дармо, треба лем купити вступний білет до скансену (знижковий 5 зл., нормальний 10 зл.)

Більше інформаций найдете на сайтах:

• Пути Ремесла Малопольщы
• ЕТНОманія
• Фейсбуковым фанпейджы

Орґанізатор:

Fundacja NADwyraz, ul. Kielecka 17, 31-523 Kraków, 12 686 06 06; www.nadwyraz.pl

(джерело і знимкы: пресовы материялы орґанізатора)