«Феномен Бескідів»: Церков св. Михала Архангела в Брунарах / част 1 – субота, 14.00 год.

Запрашам до выслуханя девятого одтинка проґраму з циклю «Феномен Бескідів – деревяны церкви і костелы» зреализуваного в рамках творчой стипендиі Міністра Культуры і Нацийональной Спадковины.

В проґрамі пн. «Церков св. Михала Архангела в Брунарах» вызвучат розмаіты інформациі звязаны з історийом церкви і парохіі. Даміян Новак, знавця і любитель деревяной сакральной архітектуры полудньовой Польщы, оповіст м.ін. про тото, як то было з проєктом перебудовы цекрви з 30. років ХІХ ст. та як то ся стало, што церков набрала такы розміры, якы має тепер. Буде то перша част з двоодтинковой авдициі.

Премєра субота 15. мая 2021 р. о 14.00 год., повторіня в четвер 20. мая 2021 р. о 16.00 год.

Zrealizowano w ramach stypendium Ministra Kultury i Dziedzictwa Narodowego.