«Феномен Бескідів»: Охорона памятників – субота, 14.00 год.

Запрашам до выслуханя тринадцетого одтинка проґраму з циклю «Феномен Бескідів – деревяны церкви і костелы» зреализуваного в рамках творчой стипендиі Міністра Культуры і Нацийональной Спадковины.

В проґрамі пн. «Охорона памятників» др Тадеуш Лопаткєвич та др Анджей Лясковскій будут розповідати про розвиток інституцийональной охороны памятників в Ґалициі і Польщы, про історию того процесу та традициі охороны памятників. Дознате ся тіж, што ся стало на ден перед приіздом до Шальовой експерта комісиі UNESCO.

Др Тадеуш Лопаткєвич то етноґраф, доктор гуманістичных наук з обшыри наук о мистецтві, забыткознавця, реґіоналиста, знавця з обшыри етноґрафіі Карпат, інвентаризациі і охороны забытків, істориі мистецтва, специялиста істориі лемківской каміняркы. Др Анджей Лясковскій єст істориком штукы, працівником Нацийонального Інституту Спадковины, адюнктом в Закладі Культуровой Спадковины і Містных Студий UNESCO при Катедрі Господарчой і Соспільной Істориі Економічного Університету в Кракові. Додатково, по костелі вела нас буде Малґожата Налепа, провідничка по святыни.

Премєра субота 12. червця/юнія 2021 р. о 14.00 год., повторіня в четвер 17. червця/юнія 2021 р. о 16.00 год.

Zrealizowano w ramach stypendium Ministra Kultury i Dziedzictwa Narodowego.