Европскый день языків

Днесь ся в Европі святкує Европскый день языків. Його коріня сягать до 2001 р. Тот рік быв Европскым роком языків. Успіх того проєкту, котрый быв орґанізованый Радов Европы і Европсков унійов і інтерес народных співорґанізаторів приспів до того, же Рада Европы вырішыла вытоврити шторічну традіцію і выголосила 26. септембер за Европскый день языків.

Його цільом є выкликати у 800 міліонах европанів із 47 членьскых держав Рады Европы, жебы ся без огляду на вік, в школах і мімо них, учіли веце языків. З пересвідчіньом, же языкова розмаїтость є средством на досягнутя векшого інтеркултурного порозумліня і ключовым елементом богатой културной дідовизны нашого контітенту, Рада Европы підтримує многоязычность в цілій Европы.

Уж сьте повіли вашым знамым, же ся мож учіти і русиньскый язык? Днесь є на то добра нагода.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА