Европейска Украіна ци Евразийска Малоросия?

22. листопада/новембра тр. в Ню Йорку свою доповід під назвом Европейска Украіна ци Евразийска Малоросия? буде мал проф. Павел Р. Маґочій з Університету в Торонто в Канаді. Професор Маґочій, наукова і головна сила модерного Карпаторусиньского одроджыня, буде бесідувал о сучасній нестабільности в східній Европі, котра погіршат ся інтересами Путіновой Росиі і Орбановых Мадярь в Закарпатьскій области Украіны (історычні Підкарпатска Русь), териториі бывшой Чехословациі до 1939 р. Попри стрічы, одбуде ся презентация новопечатаной книжкы П.Р. Маґочія With Their Backs of the Mountains: A History of the Carpathian Rus’ and Carpatho-Rusyns.

Чысло місц ограничене, зато рекомендувана єст скорша резервация місц.

Павел Роберт Маґочій – американьскій науковец, дослідник, історик, професор політычных наук, карпаторусиніста русиньского походжыня. В роках 2005-2009 ведичий Світовой Рады Русинів. Окрем того, русиньскій соспільний діяч, ентузияста автономіі Підкарпатской Руси. Специялізує ся в політычных науках над русиньском та украіньском темами. Єст автором чысленных моноґрафій і дослідничых робіт про походжыня наций, якы заселяют Середню Европу в обшыри Карпат. В своіх роботах підтримує ідею, же Русины сут окремым народом і мают право шырити свій язык і культуру во вшыткых державах, де жыют. Єдном з його барже знаных книжок єст Народ нивидкы (в польскоязычній версиі мож придбати си єй клікаючу гев). Більше про професора можете прочытати за тым мотузком.