Конец выставы «Розобраны (Донага)» олеодруків зо збіркового фонду Любовняньского Музею

Од 17. липця/юлия в Округовым Музею в Новым Санчы, в будинку ратуша в Ґалицийскым Місточку видіти мож ескпозицию олеодруків зо збіркового фонду Любовняньского Музею.

На выставі презентуваны сут образкы, котры мож было купити в часі поломництв, кєрмешів ци екскурсий. Іх тематика навязувала до місц культу, так римокатолицкых – як Кальвария, грекокатолицкых – Лютина, Марияповч ци Чернеча Гора, або православных – як Почаів. Часто представляны были святы, або праздникы.

Як пишут орґанізаторы експозициі, часто олеодрукы были наліплены на картон і хоснуваны як плечы ціннійшых образів. Коли ся здемонтувало раму такого образу, несподівано мож было найти під сподом олеодрук. Олеодрук то одбитка масово друкувана на папери, зато была доступна каждому. Тоты одбиткы популярны были і в лемківскых хыжаж. Стары олеодрукы з огляду на тематику, туній кошт, доступніст і парадніст были барз популярны. Давно вісіли в такой каждій хыжы. Днес, хоц признаны за кіч, являют ся колекцийонерскым раритасом.

Выстава олеодруків названа Розобраны (Донага) зо збіркового фонду Любовняньского Музею буде експонуваня до 12. вересня/септембра того рока.