Катапетасма / концерт в Торини

Катапетасма

Мужскій Хор Церковной Музикы «Катапетасма» свою назву взял од грецкого терміну, што окрислят завісу, котра одділят олтар храму од решты його части. Літургічном рольом завісы єст удоступняня найбарже таємничого і святого місця в найважнійшых моментах богослужыня. Аналоґічні, ансамбль Катапетасма істнує, жебы одкрывати есенцию красы, котром характеризує ся церковна музика в цілій своій істориі. Особливі важный репертуар в діяльности ансамблю то творы, котрых музична конструкция походит з найстаршых традиций церковного співу, такых як візантийска, староруска ци ґрузиньска. Тоты традициі становлят вызначник музичного стилю східньой літургіі протягом вшыткых епох штукы, што заістнували в православію, чого доказом сут монастырскы мелодиі Руси присутны і в монодичных, і в гармонічных формах. Хор бере тоты творы за основу концертовых і літургічных проґрамів. Окрем того основном задачом хору єст глядати і одтваряти православну традицию літругіі в давній Польщы.