Енді Варголь: Звізды Срібного Екрану

Oд 16. червця/юнія 2017 р. в Музею Енді Варголя в Пітсбурґу буде мож видіти выставу пн. Енді Варголь: Звізды Срібного Екрану, яка образувала буде захопліня Енді Варголя Голивудом, славом та звіздорством.

Знаний головні з соток серіґрафій русиньскій артиста, кіном заінтересувал ся іщы будучы малым хлопцьом, коли разом з братями в 30. роках одвиджували кіновы салі індустрияльного Пітсбурґа. Уж товды малий Енді захотіл сігати звізд. Захопил ся світом бліхтру, богатства, елеґантскых костюмів, выстудиюваных постав, перефкцийных люди. Зберал знимкы акторів, зачытувал ся в фільмовых маґазинах, колекцийонувал плякаты і автоґрафы. Практикувал тото і в дорослым жытю, што справило, же назберал великє чысло вшелеякых памяток звязаных з Голивудом. Захопліня славом товаришыло му через ціле жытя – од дітины заполнял альбом з вытинанками знимок ци выімків з пресы про звізды кіна, його Фабрика была паралельом Голивуду, а коли в 1987 році вмер, на шкафлику при постели лежала книжка з біоґрафійом Франка Сінатры.

Презентувана выстава піднимала буде тему славы через соткы ахрівальных фільмовых памяток зобраных Варгольом, памяткы по ним самым, а тіж через артистичны роботы його авторства, образы, серіґафікы, рисункы, знимкы, публикациі, фільмовы етюды, відеодневникы. Част Варгольового поп-артового стилю выникнула з выображыня о славах. Выстава досліджат тоту інспірацию, тым більше, же то она причынила ся до сотворіня діл штукы, котры зачали природну нашым часам еру загальной целебритской культуры.

Выставу видіти буде мож до 24. вересня/септембра. Спонсором єст компанія Каділяк.

Фот. Том Арбан, mason-studio.com.