Екуменічне богослужыня в Мушыні

В середу, 24. січня/януара 2018 р., в Мушыні прошло екуменічне богослужыня при участи римокатоликів, православных, грекокатоликів та євангеликів. 

Богослужыня проходило в римокатолицкым костелі св. Йосифа. Взяли в ним участ вірны і священникы штырьох християньскых конфесий, в тым парох православной парохіі св. Владиміра Великого в Креници – о. Петро Пупчык, та настоятель креницкой грекокатолицкой парохіі свв. ап. Петра і Павла – о. Йоан Піпка. Вчас молитвы вшыткы священникы вєдно з вірныма молили ся до Святого Духа о єдніст християньской спільноты.

Апостольскы чытаня выголосили римокатолицкій парох з Мушыны – о. Павел Стабах, та православний священник, о. Пупчык. Євангелию прочытал грекокатолицкій єґомость, о. Піпка, а проповід выголосил о. Дариюш Хвастек, парох євангелицко-ауґсбуржской спільноты з Нового Санча. 

По поворотах на Лемковину, прожываючы в Креници і поєдных поблизкых селах Лемкы приналежат головно до православной і грекокатолицкой парохій Крениці. Заєдно тоты храмы сут днес найдале на захід Лемковины положеныма нашыма парохіями. 

фот. www.tarnow.gosc.pl