«Дуже люблю робити з нашыма людьми, не лем з містькыма…» Віктор Крамаренко – проґрам «Голосы русинів Підкарпатя» – середа, 18.10 год.

Представляєме 3-тю часть із серії інтервю з Мадярьска. Днешній розговор быв записаный в просторах Вседержавного русиньского самосправованя в Мадярьску з його председом Віктором Крамаренком.

А бісідовало ся о сістемі русиньскых самосправовань і їх функції, окрім того дізнали сьме ся традіціях о културнім жывоті Русинів Мадярьска.

В Мадярьску існує 45 русиньскых самосправовань. Самомправованя суть сконцентрованы не лем у великых містах такых як Будапешт, Мішколц, Пейч, Дебрецин, а і в такых малых селах як Мучонь і Комлошка. Окрім того є там зареґісторваных сім русиньскых обществ і єден союз. Централным є Вседержавне самосправованя з сідлом у столиці, Будапешті.

Віктор Крамаренко – председа Вседержавного самосправованя. Родак із міста Берегова, Підкарпатя. Од 1982-го року, з малыма перервами, жыє в Мадярьску  з родинов. У 2010-го року прикапчав ся к русиньскому руху у Будапешті в 14-ім районі і став там предсидательом самосправованя. А у 2014-ім році в осени першый раз быв выбраный предсидательом Вседержавного русиньского самосправованя. На даный час выповнює свій другый період од 2019-го року.

ТЕКСТ НАПИСАНЫЙ В ПРЯШІВСКЫМ СТАНДАРДІ РУСИНЬСКОГО ЯЗЫКА