Дотациі МАіЦ на 2015 р. признаны!
Рішыньом Міністра Адміністрациі і Цифризациі з 16. грудня 2014 р., признаны остали дотациі, котры мают на ціли охорону, підтриманя і розвиток культуровой достоменности нацийональных і етнічных меншын та підтриманя і розвиток кашебского реґіонального языка.
О дотациі на будучий рік старало ся 161 орґанізаций, діючых в просторі нацийональных і етнічных меншын та реґіонального кашебского языка, з котрых 134 достало грошы на мінімум єден проєкт. Разом, на вшыткы проєкты в 2015 р., буде передане понад 15 мілийонів злотых (докладні 15.643.752 злоты).
Посеред тых внескодавців находят ся тіж лемківскы і інчы орґанізациі, котры старали ся о дотациі на охорону, підтриманя і розвиток культуровой достоменности лемківской етнічной меншыны. Было іх вшыткых 12, кєд бы рахувати деякы орґанізациі, ведучы, в розумліню права, асиміляцийну антилемківску політыку (!).
Подля нашых рахунків, разом на лемківску етнічну меншыну передана єст понаддвомілийонова сума (докладні 2.208.005 зл), з котрых найбільше, бо праві 44%, достане Лемківскій Ансамбль Пісні і Танця КЫЧЕРА – 969.000 зл.
Пониже спис орґанізаций, якы внескували о дотациі з Міністерства Адміністрациі і Цифризациі на 2015 р. разом з признаныма сумами. Більше інформаций найдете на сайті МАіЦ – за тым мотузком.
| Орґанізация | |
| Diecezjalny Ośrodek Kultury Prawosławnej ELPIS | 17 000 |
| Fundacja Stara Droga | 41 000 |
| Łemkowski Zespół Pieśni i Tańca KYCZERA | 969 000 |
| Stowarzyszenie Lemko Tower | 236 000 |
| Stowarzyszenie Łemków | 186 500 |
| Stowarzyszenie Młodzieży Łemkowskiej “Czuha” w Polsce | 0 |
| Stowarzyszenie Promocji Twórczości Łemkowskiej “SERENCZA” | 21 000 |
| Stowarzyszenie RUSKA BURSA w Gorlicach | 351 505 |
| Towarzystwo na Rzecz Rozwoju Muzeum Kultury Łemkowskiej | 84 000 |
| Towarzystwo Upowszechniania Tradycji i Kultury Łemków | 0 |
| Uniwersytet Pedagogiczny im. Komisji Edukacji Narodowej w Krakowie | 56 000 |
| Zjednoczenie Łemków w Gorlicach | 246 000 |
| Разом | 2 208 005 |
Повязаны дописы
Ґорлиці 106,6 MHz
