«Дослідничы і документацийны роботы при забытковых деревяных объєктах» – середа 20.00. год

3. жолтня/октобра т.р. в музейній церкви свв. Космы і Даміана в Бортным (одділ Музею Дворы Карвациянів і Ґладышів в Ґорлицях) проходил фінісаж выставы «Кольорова церков». Шырше о фінісажы писали сме гев. Днес приносиме вам ретрансмісию прелекциі Анджея Жыґадла під назвом «Дослідничы і документацийны роботы при забытковых деревяных объєктах», яку выголосил на закінчыня фінісажу. Орґанізатором выставы был Музей Дворы Карвациянів і Ґладышів в Ґорлицях одділ Мазярска Загорода в Лоси з церквом в Бортным. Полну фотореляцию з той подіі найдете на нашым портали за тым мотузком.

Премєра выступліня днес 20.00 год, повторіня заран о 2.00, 8.00 та 14.00 год. за лемківскым часом і в сувоту о 13.30 год.

Анджей Жыґдало – абсольвент Выділу Малярства АКШ в Кракові. Тепер студент V рока консервациі малярства на Выділі Консервациі і Реставрациі Діл Штукы той же учельні. Стипендиста Міністра Культуры і Народового Дідицтва. Автор дописів посвяченых забыткам. Віце-ведучий Стоваришыня Разом для Білобок, член Стоваришыня Маґурич. Занимат ся документацийом і консервацийом забытків, історийом штукы, іконоґрафійом забытків Підкарпатя. Єст спілорґанізатором інвентаризацийно-дослідничых таборів на обшыри пжеворского повіту.