Кінцьом грудня/децембра 2016 р. в селі Камюнка на Спишы торжественно одсвяткували Дни русиньскых звыків і традиций. Перша част той подіі одбыла ся в камюнчаньскій церкви свв. Петра і Павла. Зачала ся словом котре выголосил о. Франтішек Крайняк єден з русиньскых лідерів заслужений для вводжыня русиньского языка в літурґічным просторі.
Зато на зачатку, по русиньскы, вызвучал Рождественний Молебен, котрий ослужыли протопресвітер Ярослав Матоляк з Попраду, парох зо Шамброна – Павел Секели і з Камюнкы – Франтішек Крайняк. Потім мож было слухати концерт коляд. В концертовій части выступили запоряд: ґрупа Поляна з Орябины, Вородай з Великого Липника, Бетярі з Мукачова, Ролянд Ґуба і братя Зятикы з Лабірця, хор фарности з Попраду і як ґазда Барвінок з Камюнкы.
Просиме слухати ретрансмісию першой части того концерту і позерати на фотоґрафіі з той подіі.
![Рождественний Молебен](https://www.lem.fm/wp-content/uploads/2017/01/20161228_171745-e1483793884397-1024x576.jpg)
![Поляна з Орябины](https://www.lem.fm/wp-content/uploads/2017/01/2-1024x632.jpg)
![Бетяре з Мукачова](https://www.lem.fm/wp-content/uploads/2017/01/3-1024x648.jpg)
![Вородай з Великого Липника](https://www.lem.fm/wp-content/uploads/2017/01/4.jpg)
![грекокатолицкій хір з Попраду](https://www.lem.fm/wp-content/uploads/2017/01/20161228_182105-e1483794731996-1024x576.jpg)
![Барвінок](https://www.lem.fm/wp-content/uploads/2017/01/20161228_180811.jpg)