Днес зачынат ся фестіваль «Дюра Папгаргай»

В найблизший вікенд, т.є в днях 9.-10. грудня/децембра т.р., в Войводині пройде 14. річник Руского фестівалю малых сценічных форм – Дюра Папгаргай. Є то культрурна подія, направлена на презентацию русиньского кумтшу всякого рода. В рамках дводньового фестівалю, котрий одбуде ся в великій сали Руского Культурного Центра Йована Суботича в Новым Саді, вказане буде русиньскє кіно, але предовшыткым театральны пєсы, бо то ім головно є присвячена подія.

Перший ден фестівалю (пятниця, 9.12) зачне ся од 19.00 год. і буде проходил на фоні памяти о Мирку Ґаднянскым на 15. річницю смерти, а в рамках фестівалю одбуде ся презентация найновшого чысла часопису Руской Маткы – «Руснак». Попри фестівали буде проходила і друга подія – то Русин фільм фест, якій початком жолтня/октобра т.р., проходил в місті Шыд, а тепер зайде до Нового Саду. З той нагоды буде высвітлений документальний фільм о великым страданю Русинів на Горници в І Світовій Войні. Тяжка доля Русинів в період Великой Войны є, як раз, головном темом тогорічной едициі.

Суботній ден зачне ся од одкрытя выставы образів двох малярок – Мариі-Май Бесермині та Гелены Сивч. Пак, одбуде ся головна част фестівалю – дві театральны пєсы. Перша з монодрам – «Святочны різдвяны сукні» («Свечане Божићне хаљине») – є авторства режысера Радомира Мильойковича, а друга п.н. «Пес мій найліпший приятель» – Владиміра Кочыша.

інфо за: Рутенпрес