Днес в „А Я[К]-у” поетицко – вершы Якова Дудры і Нестора Жылича чытают школяре лемківского языка!

Днес в А Я[К]-у нетыпово, хоц завандруєме до єдного села, то не на ним ся зосередиме – днешній A Я[К]…? посвячений буде двом особливостям Лемковины – двом лемківскым творцям. В тым році празднуєме 100. річницю уродин Нестора Жылича і 120. уродин, а 40. смерти, Якова Дудры. З той нагоды од 7. червця можете обзерати в Рускій Бурсі выставу посвячену тым поетам, а днес будете мати змогу выслухати іх вершы, якы прочытают школяре лемківского языка зо школы в Ґладышові.

Запрашам на 21.00!

A Я[К]…? – звиджаня і познаваня Лемковины од А до Я. Історычно-ґеоґрафічны прогулькы по селах і знаных, або меньше знаных, особливостях Лемковины. Што тыжден творена є нова позиция в радийовій енциклопедиі Лемковины.