Днес уродины Ігоря Керчы – на многы і благы літа!

Фото: www.premija-ru.eu

Днес, 20. лютого, уродины святкує Ігор Керча – выдатний сучасний русиньскій лексыкоґраф, писатель, публициста, тлумач і выдавця з Підкарпатской Руси.

Вродил ся Ігор Керча в 1943 р. в селі Ґоронда (недалеко Мукачева), де тіж провюл дітинство. Середню освіту здобыл в Ужгороді, пак скінчыл технічны студиі в Кыйові.

Першы вершы (по росийскы), котры зачал писати іщы в школі, печатаны были в молодіжных ґазетах. Днес публикує поезию, статі, есеі в русиньскых і інчых выдавництвах. Разом з інчыма авторами працувал над ґраматыком русиньского языка, котра была выдана в 1999 р. Обществом Александра Духновича в Мукачеві. В 1998 р. выдал збірку вершів Шандора Петефі в тлумачыню на русиньскій язык. Єст тіж автором другых выдань. Творит під псевдонімами: Ігор Дюрич, Іван Гутник, Славко Слободан.

Налбільша, мож сміло речы – монументальна праца Ігоря Керчы то величезны словникы: выданий в 2007 р русиньско-росийскій (58.000 слів) і в 2012 р. росийско-русиньскій (65.000 слів). Каждий в двотомовій едициі. То першы так обшырны лексыкоґрафічны працы тыкаючы русиньского языка. За Русиньско-росисйкій словник в 2011 р. был нагороджений Русском Премійом. Оба выданя (як і вельо інчых русиньскых книжок) доступны сут на сайті Ігоря Керчы ruwega.com. Найдете там вельо інформаций з обшыри русиньского языка і літературы.

Днешньому ювілярьови желаме вшыткого доброго!