Днес “Ружова заградка” в Новым Саді

Днес вечером одбуде ся 25. ювілейна едиция Фестівалю Новой Русиньской Народной Співанкы “Ружова заградка”, котрий тішыт ся великом популярністю посеред Бачваньскых Русинів, а предовшыткым любит ся творцям новых текстів і пісен.

До тогорічного фестівалю зголошеных было аж 29 пісен, спосеред котрых конкурсова комісия мусіла выбрати лем передвиджене в реґуляміні чысло 16 пісен. Буде іх оцінювало жырі, котре выбере творы з найліпшым текстом, інтерпретацийом і аранжацийом. Функцию жырі выполнят тіж особы, присутны в фестівальовым Студию М Радия Новий Сад, признаючы нагороду публикы.

Як подає пресова аґенция Рутенпрес, початком днешньой подіі буде отворіня выставы (19.30 год.), на котрій своі працы вкажут двоі творці з Вербасу: Владо Няраді і Кристина Ґшвенґ, пак о 20.00 год.  зачне ся 25. ювілейна едиция Фестівалю Новой Русиньской Народной Співанкы “Ружова заградка” враз з конкурсовом частю.

“Ружова Заградка” буде высылана нажыво через сербску телевізию і радийо. Сиґнал відео мож обзерати і через інтернет – за тым мотузком.