Дипломовий концерт Наталіі Бочнєвич

3. червця 2017 рока на подворци Народного Музею в Щеціні (ул. Старомлиньска 27) пройде дипломовий концерт студенткы Наталіі Бочнєвич з клясы дириґентуры проф. Евґеніюша Куса.

Наталія Бочнєвич – вродженa в 1993 році в Шпротаві, выхована в родині о музычных традициях. Студентка студий ІІ ступеня Выділу Музычной Едукациі в обшыри музычной штукы на Академіі Штук в Щеціні. Початково ведена мґр. Мареком Сівком, тепер проф. Евґеніюшом Кусом на специялізациі хоральна дириґентура. Мала тіж чест через рік школити ся в дириґентурі під опіком проф. Чеслава Ґрабовского. Абсольвентка Загальной Музычной Школы ім. Фелікса Нововєйского в клясі гушель. Скінчыла студиі І ступеня зо специялізацийом хоральна дириґентура на Академіі Штук в Щеціні. В академіцкым році 2016/2017 отримала стипендию для найліпшых студентів Музычной Едукациі. Была членом першых гушель Камеральной Оркєстры «Concertino». В 2014 році долучыла до Камерального Хору Академіі Штукы в Щеціні, веденого др Варваром Галец. Вокальний і інструментальний таланты причынили ся до того, же была членом вельох народных і фольковых ансамблів. Од наймолодшых років концертувала і нагрывала платні з ансамблями: Кычера, Ластівочка, Окмель, Лемко Тавер. Брала участ м.ін. в Toronto Ukrainian Festival, Woodstock 2012, в польско-німецкым проєкті «Молода Фільгармонія Нижній Шлеск», а тіж в вельох оркєстровых проєктах. В своій музычній карєрі награла парунадцет платен. Од 2016 рока є членом Sedinum Chamber Orchestra, з котром награла м.ін. твір Brotnar Borgir. Од 2009 рока спілтворит ансамбль Сестры Бочнєвич, котрий в 2015 р. здобыл ІІ місце на І Музычным Фестівали Лемківской Авторской Творчости Молода Лемковина в Ґорлицях.

Проґрам концерту:

І част: Лемківскы Варияциі – Рамона Бочнєвич

ІІ част: Сестры Бочнєвич – лемківксы, польскы і украіньскы народны пісні

Выконавці:

Камеральний Хор Академіі Штукы

Sedinum Chamber Orchestra

Сестры Бочнєвич

Солисты:

І сопран: Яна Гудовска-Кiт

II сопран: Катажына Павловска

тенор: Станіслав Квєцєнь

бас: Януш Квєцєнь

Sedinum Chamber Orchestra

І гушлі: Рамона Бочнєвич, Лукаш Шыманьскій, Каєтана Пустельняк

ІІ гушлі: Павел Ернст, Александра Ророт

альтівкы: Ева Трач, Іґа Баран

басчата: Марцелі Ковалевскій, Ганна Можеєвска

басы: Антоні Дубайко

флейт: Кароліна Савіцка

клярнет: Бернард Влодарчык

дириґент: Наталія Бочнєвич