Детальний проґрам XXXV Лемківской Ватры на Чужыні!

Знаний єст уж детальний проґрам XXXV Лемківской Ватры на Чужыні, котрий найдете за тым мотузком, на ватряным сайті.

Тогорічна Лемківска Ватра на Чужыні буде проходила в днях 7.-8. серпня  – там де все – на ватряным поли коло церкви св. Михала Архангела в Михалові на Нижнім Шлеску.

Орґанізаторы, як все, думают о каждым – і о старшых, і о молодшых. Такій є тіж проґрам. На Лемківскій Ватрі в Михалові найдете молодіжны ґрупы і фольклорны ансамблі, котры, окрем народных танців і музыкы, своіма выступами надают михалівскій ватрі лемківского, патріотычного характеру.

Долов можете пізрити на залучений афіш, на котрым находят ся декотры тогорічны выконавці XXXV Лемківской Ватры на Чужыні.

XXXV Лемківска Ватра на Чужыні Михалів 2015 жде ВАС!

Того рока, подібні як в попередніх, Стоваришыня Лемків – орґанізатор той імпрезы – зрыхтувало для ватрян ріжны конкурсы і розрывкы. О єдным з них інформували сме за тым мотузком. Кєд лем мате дяку долучыти і спрібувати своіх сил в конкурсі на знаня Лемковины, не дайте ся за долго просити!

Як заявляют орґанізаторы, михалівску ватру в пятницю вечером може одвидіти міністер заграничных справ Польской Республикы п. Ґжеґож Схетина.