Буде наступна едиция – Лемковина Ультра Трейль 2016

Тогорічна едиция тілько што ся скінчыла, орґанізаторы такой доперли остатні орґанізацийны справы, а уж офіцийні оголошено дату наступной. Тіж проходила буде осіню і тіж на Лемковині.

Третя едиция гірскых змагань в літаню Лемковина Ультра Трейль одбуде ся 21.-23. жолтня/октобра 2016 рока. Літачы будут мочы зас провірити своі силы ся на єдній зо штырьох трас: о долгости 150, 70, 48 або 30 км. Записы рушают рівно о 19.00 год 12. січня/януара будучого рока. А уж тепер мож сой придбати неповторны ґаджеты з лоґо змагань ЛУТ, м.ін. зимову шапку, якой лишыли ся уж лем остатні штукы. Глядайте на сайті орґанізатора.

Того рока і лемківска нация мала гідну репрезентацию. Рахуєме, же бодай такє чысло Русинів, кєд не більше, буде о рік!