Біциґльовий райд по Лемковині

27. вересня (септембра) 2015 р. на Лемковину зъіхают біциґлисты в рамках райду, названого «Направ ся на Пут Деревяной Архітектуры». Тота біциґлоьва прогулька буде ся зачынала і кінчыла на спортовым стадіоні в Тыличы. Орґанізаторы зрыхтували 3 ріжны трасы долгости 20, 30 і 40 км, і заохочают до безплатной участи, записуючы ся од 10.00 год. в ден райду на тоту подію.

По дорозі, участникы можут зазріти до храмів, в котрых будут ждати провідникы, презентуючы сакральны объєкты деревяной архітектуры (в тым і лемківскы церкви). В каждым з них достанут наклийкы, наліпляны на мапу, котры сут елементом конкурсу, а жебы взяти в ним участ – треба звидіти мін. 3 з 5 храмів на пути райду:

• Поворозник – церков св. Якова, котра од 21. червця 2013 рока находит ся на Листі Світовой Спадковины Юнеско (позерайте на обшырну ґалерию знимок),
• Крениця – костел Преображыня Господнього,
• Берест – церков свв. Космы і Даміана (за тым мотузком – ґалерия знимок),
• Тылич – костел свв. Петра і Павла,
• Тылич – церков свв. Космы і Даміана,

Трасы райду:

1. МІНІ – 20 км: Тылич – Поворозник – Крениця – Рома – Тылич
2. МІДІ – 30 км: Тылич – Поворозник – Крениця – Крижівка – Мохначка – Тылич
3. МАКСІ – 40 км: Тылич – Поворозник – Крениця – Крижівка – Берест – Чырна – Мохначка – Тылич

Більше інформаций найдете в реґуляміні і детальным проґрамі райду.