Більше для розвитку туристикы в Малопольскым Воєвідстві

Неодолга на Лемковині будут основаны новы туристичны пути, а уж істнуючы будут выремонтуваны, змодернізуваны і розбудуваны.

Малопольскій маршалківскій уряд закінчыл приниманя внесків о дофінансуваня локальных туристучных пути. Зголошено 26 проєктів на квоту 53 млн зл. О спертя старают ся головні ґмінны самоурядовы єдиниці, локальны ґрупы діяня та позаурядовы орґанізациі. Дофінансуваня єдного проєкту не може перевысшыти 65%. До розділіня малопольскє воєвідство передаст 46 млн зл. Дофінансуваны будут не лем тоты інституциі, котры хотят зробити новы пути, але і тоты, што хотят розбудувати і змодернізувати уж еґзистуючы. В парох проєктах плянуване єст побудуваня новой інфраструктуры, як напр. затриманкы, стоякы для роверів, місця, де мож одпочати, дашто зісти, купити, а тіж пляцы з інфраструктуром до тренуваня на свіжым повітри. Більшіст проєктів тыкат пути для роверів і до літаня, меньше – пути до літаня на нартах. Додатково трасы будут ознакуваны.

Влони Малопольскє Воєвідство візитувало 15 млн осіб. Могли звиджати обшыр Лемковины, хоснуючы напр. Пут Деревяной Архітектуры, Головний Карпатскій Біциґльовий Пут ци Карпатско-Ґаліцийскій Нафтовий Пут.