Біловежа святкує 660 років

Од днесь аж до неділі русиньске село Біловежа святкує 660 років од першого писемного документу, в котрім ся тото село споминать. Святкованя приготовило село вєдно із Пряшівскым самосправынм крайом, Горношарішскым освітнім центром в Бардейові, і Містнов орґанізаційов Русиньской оброды на Словеньску.

Днесь од 16.00 год. на участных чекать проґрам, котрый приготовили діти із Матерьской і основной школы в Біловежі. В суботу, 27-го юна, на навщівників наперед о 17.00 год. чекать выставка образів і фотоґрафій повязаных зо селом і о 18.00 год. уж в Біловежі заграть дві єднокатовкы од Чехова – Медвідь і Спросины, єдиный на світі професіоналный русиньскый театер, Театер Александра Духновіча з Пряшова.

В неділю святкованя зачне о 9.00 год. Божественнов літурґійов у містній церькви. Од 13.00 год. є приготовленый културный проґрам, в котрім будуть выступати Фолклорный колектів Біловежанка, Фолклорный колектів Лацкова, Фолклорный колектів Melody, солісты но і головоным тяглом проґраму будуть Кандрачовці. Сердечно запрошаме.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА