Біла твар Енди в Стропкові

Музей Модерной Штукы в Лабірци, Товариство Енди Варголя в Лабірци і місто Стропків запрашают на выставу, під наголовком, Енди Варголь – Біла твар на кольоровым полотні. Вернісаж выставы одбуде ся 10. липця (юля) 2015 р. о 15.30 год., в головній сали осередка культуры в Стропкові. При нагоді експозициі, орґанізаторы запрашают на выклады про походжыня Енди Варголя і його творчіст, про поп-арт як напрям в світовій штуці. Орґанізуваны будут тіж артистычны анімациі.

Експозиция в культурным осередку в Стропкові буде проходила од 10. липця (юля) до 10. серпня (авґуста) 2015 рока.