Бескідник #50 – пятниця, 11.00 год.

Бескідник. Так ся называт ґеоґрафічно-туристичный радийовый проґрам, котрый веденый єст Якубом Зиґмунтом в кажду пятницю од 11.00 до 12.00 год.

Были сме уж на полудни. Были сме тіж на заході і на сході. В найблизшым одтинку «Бескідника», 5. квітня/апріля 2019 р., поіхаме на пілніч, до далекой Фінландиі. Будеме глядати села Санта Кляуса, дознаме ся медже інчыма, як досмотрити ся полярного світла та загальні што робити, жебы не збанкрутувати в тій дорогій скандинавскій страні. Куопіо, Гельсінкы, Оулу ци Рованємі. То лем некотры назвы чудовых міст, якых на вельо більше мож найти в Фінландиі. Як хочете одпочати і почути правдивый климат «слов-травель», то конечні слухайте проґраму уж заран!

Чуєме ся, як все, о єденадцетій!

В Бескіднику іздиме в далекы і близшы подорожы глядати природничо інтересуючых місц на світі і в Карпатах. А вшытко тото буде перемішане, як все, музыком зо світа.