Бескідник #48 – пятниця, 11.00 год.

Бескідник. Так ся называт ґеоґрафічно-туристичный радийовый проґрам, котрый веденый єст Якубом Зиґмунтом в кажду пятницю од 11.00 до 12.00 год.

«Бескідник» пущаме уж рівный рік, а николи іщы не было в ним бесіды о рідным місті ведучого проґрам – о Новым Санчы! В найблизшым одтинку нашой ґеографічно-туристичной авдициі, в пятницю, 22. марця 2019 р., поіхаме до столиці Сандецкой Землі. Припомниме собі місця звязаны з історийом міста ци посмакуєме найліпшых мороженых смаковин в Польщы! Очывидно дознаме ся тіж о місцях кус вкрытых і незнаных вшыткым, нп. о Фальковскым Лісі ци Скалках над Каменицьом, де мож почути духа природы і одпочати од голосу великого міста.

Чуєме ся, як все, о єденадцетій!

В Бескіднику іздиме в далекы і близшы подорожы глядати природничо інтересуючых місц на світі і в Карпатах. А вшытко тото буде перемішане, як все, музыком зо світа.