Бескідник #46 – пятниця, 11.00 год.

Бескідник. Так ся называт ґеоґрафічно-туристичный радийовый проґрам, котрый веденый єст Якубом Зиґмунтом в кажду пятницю од 11.00 до 12.00 год.

Холодно? Уж сте вымучeны тогорічном зимом? То конечні слухайте «Бескідника», бо в найблизшым одтинку проґраму, 8. марця 2019 р., підеме одпочати на Караібы, а докладні Домініканьску Республику. Дознаме ся про інтересуючы місця, де мож провести свобідный час так активно, як і спокійно. Послухаме м.ін. о пляжах ци місцях, де мож занимати ся дайвінґом. Ґарантувати Вам можу, же буде то барз теплый проґрам з не меньше теплoм музикoм з Бескідів і зо світа!

Чуєме ся, як все, о єденадцетій!

В Бескіднику іздиме в далекы і близшы подорожы глядати природничо інтересуючых місц на світі і в Карпатах. А вшытко тото буде перемішане, як все, музыком зо світа.