Бескідник #33 – пятниця, 11.00 год.

Бескідник. Так ся называт ґеоґрафічно-туристичний радийовий проґрам, котрий ведений єст Якубом Зиґмунтом в кажду пятницю од 11.00 до 12.00 год.

В найблизшу пятницю, 23. листопада/новембра 2018 р., в «Бескіднику» підеме на екскурсию в далеку, шведску тундру, де находит ся «Королівскій Шляк» (шв. Кунґследен). Є то єден з найдолшых шляків в тій части Лапландиі, котрий веде суровыма, пілнічныма краєвидами Швециі. Дознаме ся, як доіхати на місце, як і коли заплянувати вандрівку та што нас там буде ждало на дорозі. Но і може найважнійша річ – кілько така подорож буде нас коштувала! Як сте любителями пілнічных реґіонів Европы і світа, то конечні слухайте проґраму!

Чуєме ся, як все, о єденадцетій!

В Бескіднику іздиме в далекы і близшы подорожы глядати природничо інтересуючых місц на світі і в Карпатах. А вшытко тото буде перемішане, як все, музыком зо світа.