Бескідник #24 – пятниця, 11.00 год.

Бескідник. Так ся называт ґеоґрафічно-туристичний радийовий проґрам, котрий ведений єст Якубом Зиґмунтом в кажду пятницю од 11.00 до 12.00 год.

Як Вам іщы не горячо, то заран підеме на полудне Европы – на Мальту! В найблизшу пятницю, 24. серпня/авґуста 2018 р., дознаме ся, як туньо зорґанізувати вакациі на тим острові, што ся находит посередині Середземного Моря. Што там видіти? Кілько грошы взяти? В якым языку бесідувати? О тым вшыткым послухаме заран. А пак возмеме своі роверы і підеме на екскурсию по Низкым Бескіді – през ясельскій повіт.

До заране. Чуєме ся, як все, о єденадцетій!

В Бескіднику іздиме в далекы і близшы подорожы глядати природничо інтересуючых місц на світі і в Карпатах. В каждым проґрамі дознаме ся про нову роверову екскурсию в Низкым Бескіді. А вшытко тото буде перемішане, як все, музыком зо світа.