Бесіды на траві – проґрам «70 процент» – субота, 21.00 год.

Є, є, даколи кореспондент може брати інтервю і на траві, а навет і лежачы… Але то цілком не шкодит роботі! Днеска ― про лемківскы яличкы, про кобылу, котра сама ся вернула по войні до свого ґазды, про пташкы зо сіна, про выгнаня з рідной землі, про щестя і нещестя, про долі Лемків… Цілком припадковы респонденты, але не припадковы бесіды. На знимках: зліва ― рыхтуют ся до выступу на фестівали «Гомін Лемківщини» члены ансамблю «Студенка» з Калуша; стрітили ся дві давны приятелькы: старша ― Наця Ґрозьо з Мысцовы, котра барз любит співати, молодша ― Люба Вышневска (єй коріня з Полян); справа ― Алла Лемякіна і єй пташкы, котры даруют щестя.

Премєровий одтинок проґраму «70 процент» в суботу о 21.00 год., повторіня в неділю о 3.00, 9.00 та 12.00 год. за лемківскым часом.