«Бесіда» – липец/серпен

Того літа Стоваришыня Лемків напечатало дальший номер свого пресового орґану, двомісячника «Бесіда», ч. 4 (163), липец-серпен 2018 р. В найновшым номері мож чытати м.ін.:

• Петро Трохановскій, Никыфор Маляр – Никыфор Артиста;
• Анна Кырпан, «Лемківскы пацюркы» – перший фестіваль для діти;
• Богдан Ґамбаль, Цілонародне свято в Пряшові;
• Михайло Алмашій, В імени славянства. Одкрытя погрудя Венеліна-Гуцы;
• Петро Трохановскій, Ювілейне свято лемківской/русиньской культуры;
• Демко Трохановскій, Кодифікацийны стрічы в Кракові; 
• Севериян Косовскый, Лемківскы активісты одобрали медалі од нижньошлезского воєводы;
• Севериян Косовскый, В Зындрановій похоронили Федора Ґоча.

Речений номер є продолжыньом архівальных фраґментів репортажів про штырі минулы едициі креницкого Бієнале, якы были публикуваны на шпальтах «Бесіды», ци тіж в ній перше передрукуваных. Ґазета приносит передрукуваны русинознавчы статі з другых редакций, писаны в польскым, словацкым і лемківскым языках. В части Попращали мы / Одышли од нас опубликуваны сут надісланы до редакциі подякуваня родины Федора Ґоча за присутніст на похороні і підтримку в нелегкым часі.

Двомісячник «Бесіда» то часопис Головного Заряду Стоваришыня Лемків, выходит од 1989 рока, присвячений єст збережыню істориі, культуры і языка Лемків, інформуючий о жытю нашой і братніх нам соспільности, плекаючий вірні надіі прадідів і вітців.

«Бесіду» мож почытати в бібліотеці Руской Бурсы в Ґорлицях, котра отворена єст од понеділька до пятниці в год. 08.00-16.00, або по індивідуальным догваріню в інчым терміні. Ґазета є тіж доступна в локальных Кружках Стоваришыня Лемків в Польщы.