Баба – Боіско #71 – понедільок, 20.00 год.

Дня 17. червця в Жыдівскым Музею Ґаліция в Кракові проходила стріча з циклю Бабы – меншыны – дідицтво – преміны, вчас котрой Марта Ватраль выголосила выклад про літерацкы креациі лемківскых жен.

Днес, в радию лем.фм, просиме на ретрансмісию той подіі. Буде мож почути выбраны фраґменты лемківской прозы і пісен, на основій якых ведена є літерацка аналіза темы. На проґрам просиме в понедільок 13. липця о 20.00 год., повторіня о 2.00, 8.00 та 14.00 наступного дня.

Марта Ватраль – лемкознавчыня, докторантка на Філолоґічным Выділі Ягайлоньского Університету, ведуча Стоваришыня Лемківской Молодежы Чуга в Польщы.