Авторска стріча з М. Копровскым – модерує Д. Трохановскій – четвер, 20.00 год.

Днес буде дакус одмінно. О 20.00 год. не вызвучыт штоденна вечерня авдиция «Три світы», а в єй місце буде емітувана онляйн стріча з Мареком Копровскым, автором книжкы «Лемкы – доля загыблого народу». Модератором подіі буде наш редакцийный колеґа – Даміян Трохановскій.

Орґанізатором подіі єст Стоваришыня «Ґлоґівска Кресова Едукация», Містецка Публична Бібліотека в Ґлоґові та бібліотекы в Болеславци і Польковицях. Авторска стріча з Мареком Копровскым буде получена з презентацийом книжкы.

Стріча буде трансмітувана o 20.00 год. не лем в відеозаписі на Фейсбуку (за тым мотузком), але так само нажыво в радийю ЛЕМ.фм.

Для найвеце активных участинків бесіды передвиджено пару примірників книжкы Копровского. «Лемкы – доля загыблого народу» то публикация, з наголовком котрой не мож ся згодити, кєд же Лемкы не сут народом, якій гейбы пропал. О тоты вшыткы квестиі і інчы річы – повязаны хоц бы зо змістом книжкы – буде мож днес звідати автора і почути його погляды.

Просиме – початок о 20.00 год. в радию ЛЕМ.фм.