Артистычна осін в Мегофера з лемківскыма акцентами

Державний Музей в Кракові одділ Дім Юзефа Мегофера (ул. Крупніча 26, Краків) просит на Артистычну осін в Мегофера – практычна штука і рукоділо, подію яка буде мала выставово-варштатовий характер.

Стріча направлена єст на вшыткых любителів рукоділа, малопольскых смаків і не лем. В проґрамі находят ся м.ін. варштаты під назвом Папірьове квітя, звиджаня ґалериі Мегофера з кустошом, прелекция про здорове оджывляня, варштаты малюваня акрильовыма фарбами на полотні, концерты та інчы.

Годинний выступ даст Сусанна, выдатна інтерпретаторка і аранжерка творів Петра Мурянкы. Од артисткы знаме, же і його співанкы останут запезентуваны. Сусанні буде товаришыл піяніста Павел Гараньчык. На Артистычній осени гостинні выступит тіж ансамбль Клюб деМоль, якій в своім репертураі мат самы русиньскы співанкы. На концерті в суботу почуєме кавальчыкы, якы найдут ся на рыхтуваній новій платни аснамблю – Вершы верхам.

Детальний проґрам найдете гев. Чысло місц на варштатах – ограничене, зато треба ся скорше записати.

фот. wikipedia.pl