Аrt of icon. Art of life

В днях 16.-23. серпня т.р. далеко од цивілізациі на краю Кампіноского Державного Парку в Кріштайнові проходил буде медженародовий пленер малюваня ікон Art of icon. Art of life. Буде то пленер, вчас котрого участинкы през тыжден будут мочы сотворити од основ ікону, але тіж познати ближе себе.

В першій части дня занятя з малюваня ікон буде вела Барбара Міндевіч, абсольвентка Поліцейной Іконоґрафічной Студиі в Бєльску Підляшскым. Каждий з участників буде мал можніст навчыти ся малювати ікону згідні з єдном з найстаршых технік малюваня ікон, техніком темперы на основі жолтка яйця. Окрем того, хоснуваны будут лем натуральны барвникы, што подля орґанізаторів дозволит на збудуваня реляциі з натуром і почути ся частю творчого процесу.

Друга част варштатовых днів посвячена буде на занятя з Аґнєшком Штейн – психолоґом, яка занимат ся розвиваньом в людях особистых реляций. Цілю той части варштатів буде одкрываня внутрішніх світів, емоций, потреб та зазнаємліня ся з теорийом близкости.

Кошт курсу (разом з ідлом і спаньом) то 1700 зл. Охочы можут зголошати ся пишучы на адрес edinburghicons@gmail.com або під нр тел. +447565144722  (Барбара Міндевіч)

Барбара Міндевіч – роджена 1978 рока, абсольвентка Поліцейной Іконоґрафічной Студиі в  Бєльску Підляшскым. Б. Міндевіч брала участ в вельох курсах і пленерах в Польщы і Великобританиі, сама тіж была іх орґанізаторком. Основала единбуржску Школу Малюваня Ікон. Єст членом Бритийского Союзу Іконописців. Своі іконы презентувала на выставах в Польщы і в Шкоциі.

Вшыткы знимкы взяты з офіцияльного сайту артисткы – basiamindewicz.weebly.com