Апостол – Чытаня з Писма святого апостола Павла Євреям – неділя 10.00 год.

Друга неділя посту – Чітаня з Письма святого апостола Павла Євреям

«Ци дакотрому ангелови повіл (Бог): «Сяд собі по моій правій стороні, покы не положу твоіх неприятелів під твоі ногы, як підножку?»

На початку ты, Господи, основав землю; і небеса суть ділом твоїх рук.

Они пропадуть но ты перебываш. А вшыткы зостаріють, як ризы, як лахы іх скрутиш, а они ся перемінять, но ты все тот самый, а твоі рокы не скінчать ся.»

Ці дакотрому ангелови повів (Бог): “Сядь собі по моїй правій стороні, покы не положу твоіх неприятелів під твої ногы, як підножку?”

Ці не є каждый (ангел) духом, котрый є посланый на службу тым, што суть наслідниками спасіня? Зато нам треба міцніше тримати ся того, што мы чули, жебы мы не одпали (од віры).

Уж слово, котре звістовали ангелы, твердо платило а кажде переступліня і кажда непослухняность дістала справедливу одплату. Як тоды утікнеме мы, кідь занедбаме таке велике спасіня? Оно было самоперше проповідане Господом, а потім досвідчене і нам тыма, котры його чули.

Апостол на неділі і свята в русиньскым языку выдало Общество св. Йоана Крестителя. Коректы до тлумачыня вводил екзарх пражского екзархату для грекокатоликів в Чешскій Республиці преосвященый владыка Іван Лавинець.

Апостол на неділі і свята мат імпріматур грекокатолицкого пряшівского єпархы, преосвященого владыкы Йоана Гіркы.