Апостол – Чытаня з Писма святого апостола Павла Филипянам – неділя 10.00 год.

Чітаня з Письма святого апостола Павла Філіпанам.

(Братя). Радуйте ся все в Господі і знова говорю: радуйте ся! Най о вашій доброті знають вшыткы люде, Господь близко. О нич перестрашены не старайте ся, но в каждій молитві і просьбі дякуйте і выповідайте свої прошіня Богу. І Божый покій, котрый перевышує каждый розум, най хранить вашы сердця і вашы думкы в Ісусови Хрістови. Наконець, братя мої, лем о тім думайте, што є правдиве, што честне, што справедливе, што чісте, што приємне, што достойне хвалы, што лем цнота і похвала. Робте тото, чому сьте ся научіли, што вы і прияли, чули і виділи на мі. А Бог покоя буде з вами.

Апостол на неділі і свята в русиньскым языку выдало Общество св. Йоана Крестителя. Коректы до тлумачыня вводил екзарх пражского екзархату для грекокатоликів в Чешскій Республиці преосвященый владыка Іван Лавинець.

Апостол на неділі і свята мат імпріматур грекокатолицкого пряшівского єпархы, преосвященого владыкы Йоана Гіркы.

фото – wikimedia