Апостол – 30. Неділя по Сошестві Святого Духа – неділя 09.19 год.

Чітаня з Письма святого апостола Павла Колосанам. 

(Братя), як Богом выбраны, святы і Богу любы, облечте ся до мілосердя, доброты, покоры, скромности і терпезливости. Зношайте ся меджі собов і одпущайте собі, кідь бы дахто на дакого мав скаргу. Як вам Хрістос одпустил, так (одпущайте) і вы. Но самоперше майте любов, котра вшытко звязує ку досконалости. А Божый покій най панує у вашых сердцях, бо ку ньому і вы были закликаны як єдно тіло. Дякуйте за то (Богу)! Най у вас богато перебывать слово Хрістове. Мудро єден другого учте і напоминайте. З подяков в сердці співайте Богу псалмы, співы і духовны пісні. 

Апостол на неділі і свята в русиньскым языку выдало Общество св. Йоана Крестителя. Коректы до тлумачыня вводил екзарх пражского екзархату для грекокатоликів в Чешскій Республиці преосвященый владыка Іван Лавинець. Апостол на неділі і свята мат імпріматур грекокатолицкого пряшівского єпархы, преосвященого владыкы Йоана Гіркы.

Апостол в русиньскым языку высыламе в неділю о 09.19 год., повторіня в неділю о 12.19 год. і в понедільок о 02.19 год.

Фото горі: Апостол Павел з писмом Колосанам з костела в Ортизеі (в ладиньскым языку Urtijëi).