Апостол – 28. Неділя по Сошестві Святого Духа – неділя 09.17 год.

Чітаня з Письма святого апостола Павла Колосанам. 

(Братя), дякуйте Богу і Отцю, котрый нас закликав, жебы сьме мали частку з наслідства святых у світлі. Він нас выслободив зо силы тмы і переніс до Царьства свого любого Сына. В нім маме через його кров одкупліня і одпущіня гріхів. Він є образ невидимого Бога, рожденый перед вшыткыма сотворінями, бо в нім было сотворене вшытко, што є на небесах і на землі, видиме і невидиме: престолы, царьства, верьхности, силы; вшытко через нього і в нім є сотворене. Він є перед вшыткыма, а вшытко перебывать в нім. Він є голова тіла Церькви. Він є початком, родив ся як першый із мертвых, жебы мав у вшыткім первенство. 

Апостол на неділі і свята в русиньскым языку выдало Общество св. Йоана Крестителя. Коректы до тлумачыня вводил екзарх пражского екзархату для грекокатоликів в Чешскій Республиці преосвященый владыка Іван Лавинець. Апостол на неділі і свята мат імпріматур грекокатолицкого пряшівского єпархы, преосвященого владыкы Йоана Гіркы.

Апостол в русиньскым языку высыламе в неділю о 09.14 год., повторіня в неділю о 12.14 год. і в понедільок о 02.14 год.

Фото горі: Апостол Павел з писмом Колосанам з костела в Ортизеі (в ладиньскым языкуUrtijëi).